竟然有咁靚甜品蛋糕

好靚呀~~

【圖輯】10項靚到絕既「銀河系」甜食


宇宙既世界多姿多采又神秘，所以一啲用宇宙、外太空做背景既產品向來都頗受歡迎，呢啲產品除咗用得，有無諗過，銀河系圖案都可以放喺食物度呢？蛋糕、曲奇、波板糖、冬甩呢啲甜食，如果喺外型上再落啲心機，加入外太空主題，相信令唔少天文愛好者為之傾倒！


1. 太陽系波板糖

通常食波板糖嗰陣，我哋都習慣睇佢既顏色嚟估佢咩味，但如果你見到呢款外型既波板糖的話，相信一定估唔到佢係咩味。事關佢用咗太陽系唔同星體做圖案，除咗睇到佢喺邊個星球，都唔會知佢係咩口味。


2. 宇宙星雲蛋糕

齌睇個蛋糕已經覺得好靚，黑色底配埋啲彩色星雲，感覺好似睇緊外太空既相咁；再切開埋個蛋糕，入面都係以黑色為主，襯哂成個太空既主題。


3. 木星、地球內圍蛋糕

今次呢個蛋糕就唔同喇，加咗好多色彩，原因就係佢既主題係兩個星球，包括木星同地球，為咗令啲人一睇就應得出係咩星球，唔單止外表要做得似，就連切開之後入面個內圍都要交足功課。


4. 12星座蛋糕

呢個蛋糕雖然無銀河系、宇宙呢啲圖案，但相信好啱啲鐘意星相既朋友喇！成個蛋糕其實以簡潔為主，底用咗黑色，而上面既星相符號就只係簡簡單單用啲白色線畫上去。切開個蛋糕之後同樣有驚喜，入面全部都係彩色既蛋糕。


5. 太陽系蛋糕

又喺太陽系，不過今次就有啲似科學堂時整既模型喇！因為佢喺個全黑色既蛋糕，然後再喺上面插住幾個太陽系星球，就算唔知個味係點，個外型都贏咗！


6. 銀河系馬卡龍

馬卡龍近日成為唔少女士們所鐘愛既甜食，今次呢款以銀河系做主題既馬卡龍，喺色彩上既配搭可以話係花盡花思。成個馬卡龍都係宇宙、銀河系既圖案，而中間就夾住紅色，似是做一個小小既分隔一樣，令成個配搭更均稱。


7. 銀河系Cupcake

Cupcake嗰種甜既程度，雖然唔係人人接受得到，但如果用呢個主題的話，又真係令人幾難抗拒！上面啲糖霜用咗宇宙主題再加埋啲扭紋，好似特別像真。


8. 銀河系x寶石蛋糕

今次呢款蛋糕，可以話係包含咗多個主題，成個蛋糕都係銀河系主題，而蛋糕上面就係一個個寶石既模型。


9. 銀河系冬甩

冬甩既面積唔算好大，所以可能要展示成個宇宙或者銀河系既景象；今次呢個冬甩，主要用咗兩種顏色，包括紅、藍兩種色嚟呈現成個宇宙，都幾似啦！


10. 太空蛋糕

呢盤小型蛋糕，放喺暗黑既環境睇嗰時，感覺特別夢幻，成個蛋糕以紫黑色為主，蛋糕頂加上一啲閃粉既東西，配埋後面既黑色環境，有如置身外太空。


https://travel.yahoo-leisure.hk/post/content/144090878209-style-yesnews